維港會：揭醫生借故摸女病人陰部 護士發文轟等同非禮

人心難測？有自稱是護士的網民披露，曾目睹醫生為女病人檢查時，非必要地接觸病人陰部，又借故問女病人是否處女，等同非禮。又有醫生為賺佣金，無故要求病人做十種無需要的檢查，

有網民聲稱，「其實唔好以為所有醫生都係好人 ，全部都係想醫好你，個個都有光環。其實唔係個個醫生都有醫德。」

網民舉例，試過有個女病人除了褲準備做檢查，「醫生先問佢係咪處女，差啲破咗人處，最後都係有照用手去撩人。」網民又稱，「試過醫生出錯藥令病人敏感，腫哂返嚟， 但個醫生賴落姑娘度。」

網民批評，好多醫生都係有錢賺就算，不顧病人，有見過些醫生開「十幾廿個test去叫人做」，其實醫生有佣抽，不論是化驗所還是去做掃描，質疑「究竟係想賺你個investigation錢，定係真係有必要留個樣本去化驗，得佢自己先知」

網民透露，曾試過開口問病人是否不想做檢查，病人點頭最後無做。但病人睇完醫生出房又就比醫生責駡，「話我多口引導病人唔做檢查」，「總知就係 作為一個旁觀者 我唔可以出聲，又唔可以話佢做檢查係錯，佢又真係有原因去做，但其實個檢查係咪必要呢? 其實病人係咪真係想做?」

網民稱，發現好多病人都不懂得拒絕醫生，「男病人又好，女病人又好，其實好多檢查都唔係必要，特別係私人部位既檢查 最好都係搵返啲同性嘅既醫生。」、「你絕對有權去拒絕做任何檢查，唔係醫生想做就可以做，你亦有權揀第二個醫生睇」