維港會：未婚夫向新娘講明同家婆住 離婚層樓歸男家

一份媽前、媽後的婚前協議？網上流傳一段據稱是未婚夫向未婚妻的對話，男方聲稱婚後要與母親同住，2年内生小孩，湊錢向母親交家用之餘，將來一旦離婚的話物業也要歸男方。

有網民在Facebook群組「巴打絲打 Facebook Club」上載照片，指一名未婚夫向未婚妻講「我想我哋兩個係婚禮之前會有啲共識」，「首先婚禮啲錢我想盡量大家share返，各一半啦，最好就今年内搞掂因為都唔想浪費太多時間」。

另外事主剛剛置業，「結婚之後想叫埋我阿媽一齊住，因為佢都老喇，要有照顧」。而且男事主稱，「我想2年内生到bb，依樣係阿媽要求，因為佢老人家又得我一個， 我知佢真係好想要個孫」。

男事主稱，結婚後夫婦開聯名戶口，「每個月各自大約儲返三分一人工，另外再預返啲錢俾家用我阿媽」。最後男事主更表明，「如果我哋日後真係離婚嘅話，層樓都會歸返我嘅，因為阿媽都老喇，我唔想佢臨老先無家可歸」。男事主又稱，「我咁樣都係想大家有保障」。

網民對此未婚夫的對話猛烈批評，指男事主事事以母親優先，「不如你同你阿媽結婚」，「咁點解你唔加人哋阿媽入去你個人生計劃？係就要公平…」。有人更猜測，「懷疑係佢阿媽偷咗個電話send」；有人更建議，「未結婚就諗離婚，依家分手咪唔洗煩咁多」。

有人更模仿未婚妻的回應，「婚前財產搵律師公證，萬一將來離婚，拎返自己果份，各自安好。首期/供樓錢新娘唔出，新娘娘家都唔會來住。每月1/3存入自己銀行戶口。雙方父母共同贍養，你買比你阿媽咩，我都買同樣比我阿媽。 生BB必須私立醫院私人房。始終姓你屋企姓嘛，所以費用你出」。