維港會：時裝展現「怪衣」 網民：任何仁終於搵到女朋友

「Fashion呢家嘢真係唔係人人都識」，有一個網民嘅Post，就咗展現呢一點咁藝術嘅價值觀，Facebook群「巴打絲打 Facebook Club」，該網民貼出一場疑似時裝展嘅相片，發現模特兒全身緊身包裹，一身杏色，臉部位置開幾個孔。

細心啲睇，原來後面果幾位模特兒都係咁嘅衣著，甚至有白色、黑色(小編好懷疑係有七彩顏色)。唔少眼利嘅網民，一睇就話「呢個咪任何人？」、「#今期流行 #任何人」、「任何人 Style」、「任何人衝出香港」。

甚至有網民話「任何人終於都搵到女朋友啦」、「任何仁個女朋友任杏仁」，有更抵死嘅網民話呢個係任何人嘅老婆「任何人老婆，任人妻！」。

咦?!咪住！早排聖誕節消防處出一段短片，任何仁一家三口都有亮相，佢應該結咗婚仲有埋個囝囝添，多個女朋友隨時家變喎！