【麻繩勒頸】險窒息亂插歹徒受害人母：個女爆曬微絲血管

2019-02-14 14:45

筲箕灣東熹苑一名在醫院任職的25歲姓溫女子昨晚10時途徑行人天橋，遭一名戴上口罩及勞工手套男子，從後用麻繩勒頸，女事主極力掙扎，高呼求救「抖唔到氣，就嚟死」，趁機用手插兇徒面部脫身。女受害人事後猶有餘悸，其母親表示，對事件好意外，無聽聞類似襲擊案件發生，早幾年只聽過發生過搶劫案，「無諗過自己會中」。

女受害人母親稱，女兒無習武經驗，只是危急關頭下出手反抗，「差唔多窒息亂插佢」。母親稱，女兒在醫院輪班工作，剛好這個星期是下午班。母親稱，日後會落樓陪同女兒回家，慶幸遇襲的女兒比較大力，「另外細個女（22歲）真係無力，如果係細個個真係... 」，會叫女兒日後改搭巴士去興東邨，不行平台改下面比較光猛。

母親稱，女兒當時無攜帶袋，戴上無綫耳機，褲袋裝了手機，只有個小錢包，也不知道歹徒動機。母親稱，10點其實不是完全無人行，想不到歹徒如此兇狠。母親稱，女兒面部「爆曬微絲血管」，自己一聽到出事「一路跑一路腳震」。