清潔工公廁唏噓食飯盒 網民嘆無聲控訴外判悲歌

草根階層連一餐安樂茶飯都食唔到？有網民上載照片，見到一名清潔工在公廁内的洗手盆上食飯盒，引起網民議論。

有網民Chow Chowchi在Facebook上載圖片，見到旺角一位廁所清潔工在公廁內，打開飯盒食飯，狀甚唏噓，並問「香港點解會搞成咁？」。

大批網民留言，有人批評政府外判制度剝削工人，指「這就外判結果」，有網民就稱，「睇到好心噏。清潔工都係人」、「好慘、搵食好艱難，欣賞清潔工人的毅力同骨氣！」、「其實香港幾可悲。60-65歲仲要被人逼出來做嘢」。


有網民更揭示社會中種種悲涼現象，「有啲豪宅更要清潔工人係垃圾房食添啦！」、「我年初一喺XX天地2樓男廁，見個清潔啊叔喺度食賀年食品見到都心酸」、「我一家年初三去林村，喺女廁都見到個女工係廁所食杯麵，我以為愛回家劇情先有，點知新年係林村見到。所以之後比咗封利是個女工，小小心意」。