維港會：呻酒店擺結婚午宴好貴「無理由倒貼」 準新娘提賓客人情寫名捱轟

婚宴畀多少人情應是賓客心意，但有準新娘疑向出席婚宴的賓客發「溫馨提示」，明言Lunch Buffet「好貴的」，「冇理由要我哋每位倒貼幾百蚊架嘛」，更向賓客表明：要在人情上寫名字。網民都幾乎一面倒炮轟準新娘「宴客定夾錢食飯」，但亦有人認為，「現時人情費800係正常，朋友畀低呢個價都唔太尊重新人」。

WhatsApp近日流傳一則短訊，疑是一位將結婚的90後IG網紅發出，內容提到其在愉景灣酒店舉行的Lunch buffet婚宴「係好貴的」，而且是按人頭計算，但「因為有朋友話以為係lunch buffet就平好多」，故希望大家體諒結婚已經要花很多錢，「冇理由要我哋每位倒貼幾百蚊架嘛，同埋人情嘅利是封係要寫低你個名的」。

短訊內容其後在facebook群組廣傳，有網民好奇下查閱該酒店Lunch Buffet的價格，稱似是10萬元包120人，即平均每人833元，「所以她說好貴，可能驚人封少過800元，因800元都圍唔到本」，有人直言，「我係佢朋友的話，就唔會去啦......無禮貌朋友，應該斷交」、「人唔到禮都唔到， 要玩絕交隨便你」、「你無責任請我食鮑參翅肚，我亦無義務資助你去擺酒，打和啦」。

另有網民批評事主選擇愉景灣酒店的貴價Buffet前，都沒有通知賓客，「憑咩事後要所有人幫你埋單，覺得貴就揀間平啦」；有人則建議「其實唔想蝕，不如限時任食打邊爐啦，每人就算封三舊都唔洗蝕」。