關愛座惹爭議 九巴：有需要就可以坐

昨日有巴士乘客在網上發文，稱目睹一名長者追罵已從關愛座讓座的學生，車長開聲為學生辯護，指「關愛座係優先讓比有需要嘅人，冇寫你個名，唔一定係你坐」，獲網民大讚兼議論關愛座應否存在。九巴今日傍晚在facebook發文回應指「關愛座有需要就可以坐」。

九巴facebook帖文表示，明白關愛座推行以來一直引發爭議，「關愛座嘅原意就係讓畀有需要嘅人坐，不論係身體唔舒服、長者、孕婦、抑或殘障人士等等」；「大家有時候都會有身體唔舒服，想休息嘅時候，肉眼睇唔見但唔代表佢冇需要㗎。」若果剛好沒有人需要坐，大家坐下都沒有問題。從今日起，不妨關心身邊的人多點。

網民留言指，「的而且確多次覺得頭暈同腳痛，明明見到有位都唔去敢坐」；「其實取消關愛座咪得囉，真正想讓座嘅話，坐咩位都可以讓」。也有人建議用巴士上的屏幕播放巴士禮儀，教育提早按鐘下車、上層不可站立等。