【維港會】突結婚拉埋老公住新屋 連登仔批家姐趕阿媽排公屋

房屋問題困擾港人多年，不少人從小至大都沒有自己空間。有連登仔與母親、姐姐住在不足200呎單位，為改善居住環境，打算與一家三口一起供一個400呎單位，但其姐姐突然稱要結婚，丈夫會一同搬到新居，更要母親申請公屋，令兩人關係決裂，該名連登仔更祝姐姐「結唔成婚」。

連登仔「槓上開花」在討論區以「我家姐突然話下個月結婚。家變」為題發文，指他前兩個月與家人一家三口相中一個約400呎單位，打算三人一起供樓，「因為依家一家三口住200呎都無，屋企得一間細房，個廳放咗張碌架床，之後已經冇晒活動空間，仲住咗八年，住得真係好辛苦，所以想住好少少。」

他原打算自己出一半首期，姐姐和母親一人一半，當他以為計劃順利進行時，其姐姐突然表示下個月要結婚，未來姐夫會同住，「我咪話400呎住4條友劏三間房會住得好辛苦，我家姐竟然叫我老母到60歲去排公屋好快有，我嬲到一個點，我同家姐罵大交仲差啲開拖。」

「槓上開花」對此嬲爆，「我心諗妳結婚要我同阿媽貼埋大床俾妳老公，樓我哋有份供無份話話事，妳兩公婆塊臉皮成尺厚，完全無考慮過我同啊媽嘅感受，屋企已經唔係大，得400呎 仲要劏三房，你竟敢死打算霸一間大嘅主人房，我真係完全無語。」

他認為未來姐夫無承擔，批評他沒有計劃，「但男方起碼都要有計劃，無計劃就學人結婚，自己無學歷、無工作資歷，又要無儲蓄，咩都靠自己老豆老母，條友做個裙腳仔同佢老母睇街市鋪，好食懶做，好心你唔好害人。」

不少網民認為連登仔家姐無良心，亦認為未來姐夫無大志，「男嗰個可唔可以有少少骨氣」、「就算係都主人房俾你老竇老母啦幾x時輪到佢」。亦有網民認為家姐有權要求丈夫同住，「掉返轉係你家姐立場，點解佢出一半唔可以有要求?」