【維港會】連登巴打餵開流浪貓帶5貓BB投靠 網民：佢好信任你

有網民在網上發文，指自己平日有餵飼屋外流浪貓的習慣。誰料牠昨晚(25日)突帶着剛產下的幾隻貓寶寶上門投靠，令他感到不知所措。

有網民今日以「屋企出面隻貓生左bb」為題在連登討論區發文，指自己平時會餵飼屋外的流浪貓，並指早前「見佢個肚大哂，過幾日就細咗」，因此得知該隻貓咪產下貓寶寶。誰料，該隻貓媽媽昨晚竟然「將貓仔拎哂出黎畀我」。樓主指，剛開始時，貓媽媽只帶了一隻貓寶寶出來，其後看到樓主的女朋友亦在場後，「就（將貓寶寶）擺落地下十足十畀我哋咁」，並拿出其他4隻貓寶寶。樓主指，貓寶寶們「係咁叫我估係肚餓因爲個阿媽係新手可能一痛就唔俾佢地食」。

樓主又指，自己看到牠們一家人，感到不知所措，並指「我就唔識搞同埋搞唔掂咁多隻」，因該在文中詢問網民，指「會唔會有人想養同識得照顧佢哋」，並補充指，貓寶寶應該快將開眼。

不少網民其後紛紛留言，指「隻貓應該好信任你，成家帶過嚟」、「佢好信任你啊，如果你可以養哂佢哋就最好」等，亦有人建議「去買貓奶粉」。另外，樓主亦指，自己雖不想分開牠們母子，但本身已飼有4隻貓，並指「開頭捉又捉唔到去絕育，開始接觸到佢哋就大咗肚」，因此研究交由其他人領養。有網民提醒，樓主應小心選擇領養者，並指「如果你可以養哂佢地就最好，唔得都要小心揀領養人，好多變態佬，巴打決定改變佢哋一生」。