【維港會】游蕙禎晒比堅尼照 網民笑指轉搞「睇肉」

前立法會議員游蕙禎近期積極發展網紅事業，不時為產品賣吓廣告，今日更在IG貼出比堅尼照，令粉絲眼前一亮，短短兩小時就吸逾3000個Like。
游蕙禎在IG嘅貼文表示「非常濕焗嘅天氣。好想落泳池浸全日。數數下都成十幾年冇去過公眾泳池。自從第一單泳池發現糞便案開始，我就自此唔再去，因為覺得太污糟，同埋太多人，踢下腳分分鐘都會踢親隔離個婆婆咁。唔知而家大家仲有冇去泳池嘅習慣？」
雖然佢問大家有無去泳池游水，但網民似乎比較注意佢穿上白色比堅尼，橫臥在巨型浮床嘅造型照。有網民對照片表示讚賞，仲話要約佢一齊遊；亦有網民笑指游蕙禎不搞政治，轉搞「睇肉」，游蕙禎則回應「我只不過係影Ｄ每個人都有嘅野然後放上網，你自己都有，可以睇自己。」