【維港會】惡爸媽快餐店取「熱」水開奶 職員送上「暖」水即捱轟

有聲稱「M記」快餐店女職員在fb「生仔要考牌系列」發文狂呻，聲稱工作時遇上一名索取熱水的女子，她於是按公司指引給予暖水，豈料卻遭對方連同其丈夫一同責難，斥責何以不給熱水，因他們要給嬰兒開奶喝。

該名職員向有關顧客解釋，「其實我哋公司不嬲都唔可以俾熱水啲客，呢個係規矩，如果你同我講番聲你要沖奶我都可以通融下，但係衛生問題我唔可以直接攞你個奶樽沖熱水，我俾杯熱水你，你自己沖。」

雖然作出詳細解釋，但對方反而惡言相向，破口大罵：「仲喺度解釋喎！你去食屎啦。」

網民見到惡顧客的惡行，都反問明知BB要飲奶，何以不自備熱水，指「明知要出街開奶，帶熱水凍水係基本，做人父母咁都懶」、「沖奶就自己帶熱水，做得媽媽根本就唔會想用出面嘅水，怕B飲咗會唔舒服，呢啲人擺明唔適合做人父母，個BB俾佢地教唔慌會好」、「熱水都唔帶學咩人沖奶，仲要反鬧返人」。

有息事寧人的網民給雙方提供意見，顧客可講句「唔該想要熱水沖奶」，而職員「一開始應該話公司規矩俾唔到熱水。要嘅最多俾杯暖水」。

另有網民說出題外話，指「沖奶係唔洗熱水嘅」、「沖奶唔係唔可以用熱水㗎咩? 不嬲都係暖水（啱飲嘅溫度）開架喎......」。