【維港會】人夫擅闖哺乳室亂咁望 港媽怒轟：好彩餵完唔係咪睇晒？

現時不少大型商場已經提供哺乳室，方便一眾媽媽餵哺母乳。不過有港媽日前在社交網站發文抱怨，指男子以陪伴太太為由，竟然擅闖母嬰健康院的哺乳室，幸當時她已經完成哺乳，她怒斥「（如果）放低咗件衫咪畀條粉皮睇晒？」事件惹來網民熱議，紛紛炮轟該名男子不懂得基本尊重。

該名媽媽在Facebook專頁「生仔要考牌系列」投稿，指日前帶同BB去母嬰健康院，要入哺乳室跟姑娘學習餵哺母乳。約10分鐘後，姑娘離開，留下樓主獨自在房內餵哺。未幾有人敲門，一名男子手抱著初生嬰兒，尾隨著太太步入哺乳室。樓主頓時嚇呆︰「個老公仲要望住我，同佢老婆講︰『橫掂入咗嚟，同BB包好張被先』。」幸其太太拒絕並離開。

樓主表示，幸好當時已經完成哺乳「（如果）我唔係同個BB掃風中，放低咗件衫，咪俾條粉皮睇晒！哺乳室門口大隻字寫住只限女仕，男賓止步」。

事件引起網民熱論，不少人留言怒斥該名男子自私，不懂得基本尊重，「自私到極點」、「無謂人出出入入好擾民！」、「根本就係搏哂懵」，亦有不少人留言分享曾遇過相同情況，「我見過奶粉爸同人奶媽爭用哺乳室」、「我都試過😭😭😭😭我在第二格拉咗布餵仔，個男人係一家三口入咗嚟」。