【維港會】一次燒10條腸 BBQ神器「More More叉」網民勁Like

唔少人BBQ，第一時間都係燒腸仔和丸類，貪好味又快脆，有嘢落肚先慢慢燒雞翼。有品牌最近就推出燒烤神器「More More叉」，分出10支叉頭，可一次過燒10條腸仔或30粒丸，霸氣十足，啱晒喜歡速食嘅香港人！

據網購平台表示，「神叉」採用伸縮設計，就算多人圍爐都可以從遠處伸入More More 叉，唔使等位燒，真係好貼心！

「More More叉」已開始預䐟，唔少網民見到都好Like，仲話最好就係有人燒埋俾自己食。不過有人就突破盲腸，問咁急點解唔索性開鑊煮或放上燒烤網燒。呃Like嘅嘢，你明嘅！