【維港會】瘀爆網民遊日聽錯食店串燒「可以試」 伸手即遭旅伴制止

港人一年四季都熱愛出門旅行，但不少人途中都會因為語言不通或者對當地社會文化不理解，而擺烏龍。有網民在「連登討論區」發文徵召同類「瘀事」，指在到日本大阪黑門市場，聽到串燒店店員向他推銷「可以試」，怕聽錯再問一次，店員「係咁講可以試可以試」，遂拿起來準備試食，其旁邊的朋友立即出手阻止，解釋對方只是在說日文的「好味」，場面尷尬。

有網民在澳洲買車票，網民稱「to the city please」，女售票員問「single?」，網民心想何解問他是否單身（single），於是就答「i’m actually in a relationship right now ..」，售票員佢望住網民，神情空洞，再清楚地問：「your ticket，single or return」，網民此時才知自己會錯意。

另外，有網民在澳洲交通燈位等過馬路時，呆等5分鐘都未轉燈號，結果旁邊行人走近，按下掣就在10秒內轉燈，相對無奈。費事失事都只是小問題，有網民情況就嚴重得多，有網民稱第一次係外國火車站趕火車， 「見到架火車就即刻叫我個企係好遠嘅 friend 過黎，喂！『呢架呀』、『呢架呀』（音近Nigga，對黑人的蔑視），點知比個黑人打咗我一身」。

有男網民稱，早年去遊學團期間要去廁所，同個朋友入到去，發現無尿兜，朋友心感不妙但猜測有部分國家的公廁只得坐廁，以示尊重，「突然有個菲律賓妹入咗嚟，我好鎮定咁同佢講，嗰邊先係女廁，然後出到去公園就聽到廣播話有兩個色魔入咗女廁 」。