【維港會】師奶超市買蕉「每梳搣一隻」 自由組合靚蕉惹批評

市民去超市買生果，都會想揀無爛兼最靚嘅生果，但有無見過有人逐梳蕉搣一隻最靚的購買？有網民在FB群組「將軍澳」上傳照片，指超市有顧客在選購香蕉的時候，居然「見蕉拆蕉」拼成自己心水靚蕉組合，引來不少網民指責。

照片所見，一名身穿藍色上衣的婦人在超市選購水果，購物車上香蕉七零八落，並不是原整一梳香蕉。上傳照片的網民者在帖文中指責婦人，「做個有公德心嘅將軍澳人由你我做起！超市買蕉有得揀係好事，但顧己及人唔好搣到人哋啲蕉散曬，梳梳咁搣一隻咁買會好食啲?食唔到咁多就揀梳細啲嘅搣，影響少啲人自己買又買得開心！你話係唔係先 ？」

帖文引來不少網民認同留言，更有人指類似情況時有發生，「見蕉拆蕉」、「見過一隻香蕉一個膠袋，職員話佢哋，扮聽唔到！」、「次次有職員拎啲蕉出黎，班猩猩就好似餓狗搶屎咁搶晒去購物車度慢慢揀慢慢搣」、「我見過膠紙扎住特價，竟然將膠紙連特價換落扎靚蕉度！」、「唔止呀！將橙和蘋果係咁掟，好似有仇一様，㨂完又用鼻聞一聞，跟住掟番低走人唔買，乞人憎！」