【維港會】婆婆診所暈倒獲優先睇醫生 自私港女斥被打尖

醫生在診治時，分緩急輕重看症是合理之事。然而，有診所助理護士昨日在網上發文，指日前一位婆婆在登記後，突然暈倒，醫生隨即為她檢查。誰料，現場一名女子不但抱怨指「醫生幾時睇得我呀？個阿婆好似唔係登記先㗎喎」，其後亦不斷表現出不耐煩，令在場的一名後生仔不禁反駁指，「你講夠未呀？呢度唔係大陸呀！你要冇人性嘅你返大陸睇啦！」

一名診所助理護士昨日在Facebook專頁「診所低能奇觀」發文，指日前在診所內有幾位病人正在輪候看醫生，其中一位婆婆在登記後，突然整個人癱軟在椅子上。雖然助護上前拍她時，婆婆仍有反應，但他們仍即時推她入醫生房檢查。

然而，一名已登記的女子卻甚為不滿，並問「醫生幾時睇得我呀？個阿婆好似唔係登記先㗎喎」。另一名後生仔聞言後指，「你唔見阿婆暈㗎咩？催咩呀？」但對方仍強調自己比婆婆早登記，並指「佢都冇嘢啦」，令後生仔不禁反駁指，「你登記先過佢又點呀？你好人好者咁好氣都唔可以畀阿婆睇先呀？」

其後，醫生考慮到婆婆的身體狀況後，決定叫救護車送她入院。在等候救護車期間，由於婆婆一直在醫生房內，該女子因此不斷詢問樓主「姑娘我仲要等幾耐呀？」，並指「佢唔可以出嚟等㗎咩？霸住間房阻住我哋要睇醫生嘅人」、「佢喺入面都冇咩嘢呀？我可唔可以入去睇醫生呀？」後生仔因此再次反駁指，「你講夠未呀？呢度唔係大陸呀！你要冇人性嘅你返大陸睇啦！」其後，該名女子進入醫生房時，醫生禮貌地指「唔好意思要你等咁耐」，她竟回答指，「知就好啦，下次唔好啦」。

不少網民其後紛紛留言，並指責該名女子「冷血」、「無品」，亦有不少人直言「你千祈唔好變阿婆」、「他朝君體也相同」、「叫醫生直接人道毀滅佢啦」、「下次佢暈低咪叫醫生唔好睇佢先，叫佢繼續排隊」等。另外，亦有不少人大讚該名後生仔，指「個後生仔真係好好，咁敢言」、「俾個like後生仔」等。