肥仔獲影后鮑姐助陣 193面對林明禎冇得自肥

(星島日報報道)ERROR成員肥仔（梁業）和193（郭嘉駿）於本月14號踏入32歲，同年同月同日出生的他們選擇生日同步推出新歌，肥仔溫情一曲《Dear MAMA》送給家人及花姐（黃慧君），而193則寫情歌《再見puppy love》送給天下有情人，兩曲風格各走極端，並各自請不同人做MV女主角，肥仔邀鮑姐助陣，193則邀女神林明禎撐場，但竟然無得自肥。

新歌本來去年底推出，但肥仔有感難以爭獎，才延至生日發布，193則感謝ViuTV女團讓路給大師兄出歌，大家不會撞期。肥仔稱在新歌推出前曾做過巿場調查，姜濤憑《Dear My Friend,》獲我最喜愛歌曲獎，笑指其歌名也是Dear作開端、有助人認識，而MAMA就是眾所周知的韓國盛事，Anson Lo（盧瀚霆）也獲得殊榮，希望韓國人也會注意到自己的新歌。193則認為網上搜尋有區分，建議找些「騎呢」廣東話字眼，或者跟MIRROR名稱會大有幫助。

自爆拍MV時受冷落

早前193親寫solo歌曲《睡到三點》，他自嘲跳脫歌詞夠MK，可惜未能打動MK妹，今次更花心思，193說：「新歌MV自己課金，碌人情牌，邀請林明禎返母校門外拍攝，要經校長同意，謝絕親熱鏡頭、冇得自肥，原本諗住加?咀戲同面貼面場面，但最後只係掂?手仔。」又爆拍MV時受冷落，大家只顧舉機拍攝林明禎跳舞畫面，笑稱下次要到時鐘酒店拍攝。

肥仔則獲影后鮑起靜助陣，在MV中以母子姿態現身，估不到鮑姐也認識ERROR，見到他時即打招呼：「肥仔你好。」193笑說：「竟然認識ERROR，我以為係見到你肥仔先叫你肥仔！」肥仔一臉正經表示年紀漸長體會愈多，想將歌曲送給媽媽，也包括花姐，多謝對方照顧他們。至於今次兩人同步推歌，但不怕爭食，建議大家睇完再睇。