On仔確診第十日失去味覺

（星島日報報道）組合C AllStar成員陳健安（On仔）早前宣布確診新冠肺炎，正進行自我隔離的他將每日病情紀錄下來，並在社交網站上分享給大眾。On仔的病情踏入第10日仍未見好轉，他在社交網站上載檢測結果，並指雖然喉嚨痛的病徵經已改善，但前一晚卻突然失去味覺。
On仔在社交平台留言：「Day 10，今朝起身完全無喉嚨痛喇，少少咳、少少痰、少少攰。但昨晚食嘢突然少咗味覺，得返溫度同質感。醫師話唔可以掉以輕心，因為呢隻病毒好蠱惑，嚟緊幾日繼續努力漱口洗鼻含蒜片，食得清淡。」而同樣宣告確診的商台DJ麻利，也跟On仔隔空交流病情，留言：「我今日超瞓得，呢個病好好瞓，好彩張牀舒服。」