Lucy出EP 葉佩雯誓盲搶

（星島日報報道）李璨琛3歲囡囡李元元（Lucy）經常於社交網唱歌跳舞大放笑彈，由BLACKPINK到動畫《Frozen》主題曲《Let It Go》，至近排最愛張天賦（MC）的歌，無所不曉。
Lucy媽日前在社交網上載女兒熟睡照片，笑言將來出EP一定要用這張睡相做唱片封套。時隔數日，Lucy媽火速上載「唱片封套」照，印有「靚聲王李元元首張試機碟」及「雙CD單碟價只賣$38.8，隨碟附送波鞋，一盒雙黄蓮蓉月，仲送多包油沾米」等字句，即引來大批粉絲留言要搶購，好友葉佩雯亦表示︰「只係賣$38.8咁抵買，真係居家必備！唔買就笨啦！真係要盲搶先得！手快有、手慢冇。」Lucy媽即回覆︰「個個中晒盲腸炎，仲唔快啲同我搶。」