梁諾妍笑囡囡似洪永城扮女仔

(星島日報報道)洪永城昨日在社交網上載為囡囡Amber慶祝出世100日的靚相，並冧爆留言：「祝你健健康康，好努力咁成長，爸爸希望好快可以帶你出去行街街，陪你喺草地上面玩跑跑，之後再帶你出去旅遊遊，帶你隻大眼睛一齊睇世界，期待下一個100日 1000日。」亦不忘大讚太太梁諾妍（Inez）為囡囡拍的照片好靚，坦言這段時間辛苦太太。Inez則在社交網透露簡簡單單地度過囡囡出世100日：「媽媽祝你日日都咁開心，恰爸爸唔好恰媽媽，同Molly家姐一齊開心健康地成長，媽媽愛你」又笑指囡囡和老公是「餅印」，似足「洪永城扮女仔」。
此外，陳展鵬前晚也在社交網分享為囡囡「小豬比」慶祝三歲生日的照片，一家三口穿親子裝在家舉行米奇老鼠主題生日會，展鵬更上載被囡囡錫錫的短片放閃。