Tyson Yoshi拒坐以待斃 赴英開騷當旅行

本地獨立歌手Tyson Yoshi今年人氣急升，最近推出新歌《i don't smoke & i don't drink》，MV上架十日已衝破30萬點擊，成績相當不錯。Tyson Yoshi日前更宣布將衝出香港，聯同好友TIAB於4月底飛往英國舉行三場《Hi I'm Back》演唱會。
Tyson Yoshi今次創作新歌的重點是為自己平反，外界常標籤他為「食煙飲酒講粗口」的壞男孩，他坦言以前真的有吸煙習慣，但現在已戒掉，而對上一次飲醉酒已經是2019年，希望大眾不要因為他的外貌和紋身而斷定他是一個怎樣的人，更舉例說：「MV中同𨋢的媽媽，擔心小孩與我接近，其實係親身經歷。」有份執導MV的Tyson表示滿意成績，「本來想簡簡單單拍MV，點知傾吓傾吓超出預算，最後決定俾個天揀，拍攝場地有期就拍，無期就唔拍，點知真係有期！」
新歌取得佳績，Tyson Yoshi感激一眾歌迷，坦言出歌前有所顧慮：「一開始擔心歌曲大部分都係英文，只有verse有廣東話，啲人會唔會接受唔到呢？原來接受到喎！發現觀眾接受程度大咗，至少我嘅觀眾係啦，好似做到少少改變，所以都想explore一下廣東話喺呢類型嘅曲風上可以點樣創作。」
錄歌安撫想輕生歌迷
Tyson Yoshi日前和張敬軒、林家謙等人在社交平台開live，心血來潮想播demo，發布在社交平台後引來迴響，他當初因為開解一位粉絲而創作這首歌：「事緣有位粉絲私訊我，當時未有咁多人follow、好容易就睇到，他說想輕生，我好擔心佢有冇人陪住，於是一路開解佢，最後佢話願望是叫我唱一首歌俾佢聽，於是錄咗俾佢。」
Tyson Yoshi日前宣布將聯同好友TIAB於4月底飛往英國舉行三場《Hi I'm Back》演唱會，會先後到倫敦、伯明翰及曼徹斯特演出，他笑言這次是「被逼」tour：「本來我自己演唱會係三月，延期至五月，現在又延至八月，希望八月可以真係搞到啦！」一早已有停工經驗的他表示今次不能坐以待斃：「我去台灣的時候，嗰陣淨係等，等了一年都冇嘢發生，所以今次一停的時候，我的諗法就是不要期望會很快好轉。」於是他馬上和一班朋友和經理人商量，看看有沒有其他人參與，最後好友TIAB肯一齊去！被問到有否擔心當地售票情況？他輕鬆表示：「賣唔賣晒又冇乜所謂，當去旅行玩，整個成本cost仲平過喺香港搞show！」他更透露除了英國外，還有其他地方正商討中，但尚未落實。
心痛女友受到抨擊
今次英國之旅大約為期半個月，Tyson Yoshi表示6月前會回港準備8月的個人演唱會，更自言不喜歡太緊密的行程：「我唔鍾意去好多景點的地方，喜歡在海邊或者酒店內攤喺度，起身食完早餐再諗吓有咩地方去，咁比較舒服！」至於女友Christy因要工作及照顧家中貓貓、未能同行，早前Tyson開live回應女朋友被網民攻擊，表示很心痛女友：「講我自己冇乜嘢，講身邊人就唔係幾好，好似上次講屋企人咁，我覺得對他們不公平，令我有點自責和無奈。」不過他表示女友EQ較高，反而勸他不要生氣。