Jer被揭睇樓盤：最想買獨立屋

（星島日報報道）MIRROR成員柳應廷（Jer），日前被發現以全黑裝扮現身錦上路站新盤的展覽廳，並且參觀示範單位。昨日Jer出席活動被問到睇樓一事，他承認想置業，希望父母可以住得更好，但目前仍在睇樓階段，至於他的Dream House則是獨立屋，可以享有更多私隱。
柳應廷（Jer）、林家謙與Serrini等，昨為《Chill Club推介榜年度推介21/22》作綵排，Jer近日被影到現身示範單位睇樓準備做業主，受訪時記者恭喜他，Jer笑言：「唔好恭喜住，我都係睇下樓啫，都只係一個小小香港人想買到樓，但未做到業主，純粹睇下示範單位。」問置業大計可望在今年達成？他稱也想達成，更笑言：「財力方面仲好有問題，但都想父母可住得好些。（計畫自住？）可能自住可能投資，未知計畫係點，希望買到啦！（Dream House係點？）希望買獨立屋，和屋企人住可以有多些私隱。」
為Edan辭演失望
Jer正忙於與「教主」盧瀚霆拍攝新劇《百萬同居計劃》，但可惜原定參演的呂爵安（Edan）因撞期無奈辭演，令「JERDANSON」未能合體演出，Jer坦言對Edan的辭演有點失望。「失望一定有，因為《男排女將》之後好耐沒有合作，但都無計，他好忙、好多工作在身，但相信好快有機會再合作。（沒有「田牧CP」不用做第3者？）我不可以劇透呀，暫時沒見到男男咀戲，但我角色造型好突出，性格會怪怪哋。」
另外，MIRROR傳言將踏上紅館舉行13場演唱會，將於周二公布細節，Jer表示未知詳情，要等公司公布。「當然想踏上紅館，紅館是每一位歌手的夢想。（如開13場應付到？）應該要操體能，但目前忙拍攝未有時間操體能。（想開紅館個唱？）好想！都有幻想過，但要儲多些歌，我有時想到Run down都會寫低，希望將來有機會拎出來用。（想做業主先定開個唱先？）Why not both？」
林家謙預計成績一般
林家謙去年在《Chill Club》成為大贏家，但被指拎獎唔識笑，家謙笑言正練習如何令雙眼都識笑，惟亦有心理準備不會似去年一樣好成績，對拎獎數字睇淡。家謙更透露正炮製新歌，提到演出場地放寬，可有計畫趁機會找場地開處男騷？家謙表示：「要睇情況，疫情下仲有好多措施有變數，如果第一次開唱，想所有事都安排到好，不要讓人失望。」