Anson Lo遭生鏽鐵籠𠝹傷手見紅

（星島日報報道）盧瀚霆（Anson Lo）出動超強班底打造新歌《King Kong》，原來他在拍MV期間遭生鏽鐵籠𠝹傷至爆血，但他懶理全身傷，務求拍出最型效果。
今次《King Kong》繼續有Edward Chan監製、Oscar Li填詞，但作曲人則找來外國多位音樂人Willie Weeks、Ninos Hanna、Jonna Hall合譜旋律，幾位音樂人的來頭不小，其中格林美音樂大獎得主Ninos Hanna曾為Chris Brown、Will Smith、NCT 127及KAT-TUN等作歌。
扣針披肩重似舉鐵
在過去的作品中，Anson Lo都挑戰複雜舞步，但今次選擇大手大腳清晰步法，他說：「我哋諗舞步時會諗King Kong形象係咩？應該會有不同嘅動作，甚至係打自己心口。我哋就將呢啲元素擺入歌裏面。」Anson Lo亦透露拍MV時遇上的難題：「MV裏面有一件衫由銀色扣披住，係Stylist團隊將逐個拉鏈扣針扣埋一齊形成個『披肩』，因為好多唔同金屬扣拼埋一齊變得好重，一郁感覺就似做Gym舉鐵，比起排舞室着Tee跳會難好多，加上扣與扣之間有細扣Fix死，但拍MV時細扣鬆開或叉開，會刮到我啲肉。」
其實在兩天MV拍攝中，Anson Lo真的受傷了，但他表示只是小意思，他憶述：「其中搭升降機一幕，製作團隊做咗一個生鏽鐵籠，因為上面好多生鏽物料，我要對嘴拍Mood Shot，唔能夠就住，否則唔夠型，所以就會一嘢揩落去、摸落去，最終搞到隻手𠝹到爆血，感覺似一把刀𠝹開，但只係皮外傷，唔係好痛。」