靚湯：馬明唔難相處少嗌交

（星島日報報道）湯洛雯昨日到馬鞍山出席主題活動，提到與男友馬國明同居，靚湯解釋因早前疫情嚴重，她怕傳染家人才與男友租屋同居，疫情緩和就經常各自返家，她指二人都是會遷就對方的人，同居不會嗌大交。
湯洛雯（靚湯）透露早前拍完劇，因胃炎休息一個月，月尾到澳洲工作，她笑指可能男友馬國明會覺得好開心、好自由，她自爆男友本想跟她一起去，但因隔離及工作問題而擱置。提到二人同居，靚湯解釋早前因疫情嚴重，怕開工後有機會被感染而傳給家人，所以兩人在將軍澳租屋，現在疫情緩和後大家都經常各自返家，故之後應該都不會繼續租住。
問到兩人同居生活如何，靚湯說：「都OK嘅，兩個都唔係難相處嘅人，我哋都係比較就得對方嘅人，加上佢唔係特別好多要求、我又冇乜所謂，（冇嗌交？）當然都有少少，都係好小事，我哋有咩都會講，唔會變嗌交。」問到馬明是否嫁得過，靚湯變得突然怕羞說：「大前提都係嫁得過先拍拖，（有冇傾結婚？）有討論過，但都係嗰句，我哋有就會公佈，始終而家比較混亂，都唔想plan任何嘢住。」
邊度有商機就去邊
對於爸爸湯鎮宗早前接受大陸傳媒訪問，鼓勵她離巢外闖，靚湯認為爸爸意思是希望她作多方面發展：「我都仲有一段時間喺公司，仲有約。」是否想到大陸發展？她說：「邊度有商機就去邊度，可能佢(男友)返去先呢，呢個商機似乎佢多啲，當然去邊度都冇乜所謂，外國有工作當然非常歡迎，最好係我哋可以一齊去工作、一齊去旅行，可以寓工作於娛樂。」
同場的陳欣妍（Shirley）「側門大開」性感現身，她事前沒預計那麼性感，問到男友沈震軒是否批准，她說：「冇呀，佢都相信我啲審美眼光嘅，最主要感覺健康。」Shirley笑言男友之前接近兩年不在香港，所以現在不讓他離開，會一直留在港，好多人都問她可有結婚打算，但二人都想再專注多一、兩年在事業上，她想有代表作，笑言功德圓滿就可以結婚。Shirley表示最近忙拍廣告，自稱行山界KOL的她透露早前為ViuTV拍行山節目，在最熱的幾日拍攝，由朝行到晚，沒中暑但真的好曬好熱。