劉溫馨《白色強人II》 奸到出面網民喊打

（星島日報報道）張曦雯和陳豪在《白色強人II》的互動獲網民讚惹笑輕鬆，張曦雯透露當中有不少互動對白都是她與陳豪對戲時設計及創作，她說：「我哋私下互動都似文信同Yan，陳豪好開得玩笑嘅。如果大家有留意，會見到我劇入面有時會拍吓佢、打吓佢，呢啲劇本冇嘅，係我哋自己玩出嚟嘅。」

至於首演大奸角的劉溫馨的表現也吸引網民關注，她與張達倫齊齊獲封兩大賤精，有網民留言：「好想車佢兩巴」、「點解劉溫馨把聲同以前好似唔同咗？」原來劉溫馨為應付今次角色的複雜對白，找來老師苦練廣東話，溫馨說：「今次對白有好多醫療改革等平時唔會講到嘅嘢，所以事前要狂練，喺屋企一路行一路練，練到唔使用個腦諗都可以噏得出為止，都有搵廣東話老師訓練咬字。」