林宥嘉隔空拋金句撐林家謙

（星島日報報道）林家謙第六場紅館騷，特別帶「林家犬」Waffle陪他繞場唱歌。好友Tyson Yoshi和Serrini現身合唱，Serrini搞笑叫Tyson為她報仇，齊為家謙除衫，又爆︰「有次林家謙同我講，唔知點解Tyson咁鍾意佢……」家謙聞言大叫，「我幾時有講呀？你係咪夢遊啊？」Tyson則表現尷尬，Serrini繼續鬼馬叫Tyson：「解釋吓，你咁鍾意佢，你錫啖先啦，咁多場我都錫唔到佢，今日你幫我錫佢啦！」引全場爆笑。

今場壓軸大禮則是越洋邀請林宥嘉連綫做嘉賓，家謙稱對方是他音樂生涯上很重要的人，宥嘉則大讚家謙溫柔。當兩人合唱完《壞與更壞》後，宥嘉笑言沒想到家謙作品可以讓他的第一首廣東歌有這麼多人喜歡；此外，35歲的宥嘉得知家謙30歲時，拋出金句：「不管幾歲，都需要勇氣去面對未知！」最後他在歡呼聲中表示：「這世界一直都在變化，如果明年有一個變化是我要去紅館開演唱會，邀請大家，多謝大家！」