梅媽怒轟梅啟明係四子女中最衰

（星島日報報道）已故天后梅艷芳母親梅覃美金早前登報與兒子梅啟明脫離母子關係，梅啟明則「反擊」開記者會指梅媽遭人禁錮，日前更入稟高院控告護士「鄭姑娘」及侄仔梅柏麟，指2人阻止梅媽與他接觸、阻止梅媽支付梅啟明兒子的生活費，及濫用梅媽的生活費等，向2人索償合共800萬港元。

梅媽日前接受網台主持潘小文訪問，否認遭到禁錮，節目播放梅媽錄音對話，提到梅啟明時十分激氣，直指他是四個仔女中最衰。梅媽指遭梅啟明控告的「鄭姑娘」照顧她十分好，對於禁錮一事她稱：「佢（梅啟明）想禁錮我就真，所以我先要避佢，搬到咁遠呀，因為佢成日都追住話︰『喂，錢呀錢呀錢！』永無寧日。」再被主持人問及有否被鎖在房間？梅媽否認說：「全部冇呢啲咁嘅事！唉，佢鍾意點講就點講，我都唔識講，自己生個咁嘅仔。」對梅啟明要求她出錢為兒子醫病，梅媽稱不相信他，要求提供醫生紙，自己立場是幫得就幫，但錢是梅艷芳留下來的辛苦錢，不滿梅啟明搵女人搞搞震，更直指他在美國還有兩個仔。