李家鼎被問前妻即發火：再問掟咪走！

（星島日報報道）李家鼎（鼎爺）前妻施明，日前傳出在家中不慎跌倒撞傷頭部，因情況嚴重要做開腦手術，之後仍然昏迷。施明出事後，鼎爺昨日首度現身為TVB節目拍攝外景，當被問到施明狀況時，一向低調處理家事的鼎爺即時變臉表示：「再問掟咪走！」
鼎爺與林盛斌（Bob）昨日以嘉賓身分，為謝雪心及堪輿學家陳定邦師傅等主持的節目《新春開運王》拍攝外景，鼎爺表示希望來年大家都可以開心及身壯力健迎接兔年，又透露陳師傅指他來年的運程不錯，問鼎爺是否有向對方請教？他說：「冇呀，都係問吓來年自己嘅身體。（財運？）佢話來年幾好，不過呢啲好難講，1,000萬你話嫌少都得！」雖然鼎爺接受訪問時心情似乎不錯，不過甫提起前妻施明時，他即時變得非常嚴肅地說：「唔好提嗰啲嘢，唔好提嗰啲嘢喇好冇？家事我唔想提，如果唔係就掉咪走！」問到是否因此事影響情緒，鼎爺隨即說：「都話唔答咯！」

鼎爺表示之後的工作要看公司安排，而他亦因疫情隔離措施關係而未有出埠的打算，至於會否因疫情放緩而在生意上有新的策略？鼎爺說：「要視乎環境，留喺度或出去做，話唔定嘅！」
Bob呻大女開始駁嘴

至於一直篤信風水的Bob亦有向陳定幫師傅請教來年運程，他指師傅叫他明年要「守一守」：「師傅話我之前三年經歷人生低潮，不論事業、家庭同健康都沉寂咗，但呢兩、三年成個世界都最低潮，起碼叫全世界都同我一齊。2023年開始運程轉好，2024年會行10年人生大運，只要好好把握就可以安享晚年。」不過師傅同時亦提點他要注意與女兒的關係，Bob說：「都係，呢兩年大女升中學之後開始會駁嘴。」他指日後也會注意不要經常做嚴父，要用朋友方式和女兒溝通，又笑言幸好其他仔女尚未「進化」，現時還能控制他們。