Anson Lo追睇「神徒」評語 大讚有趣

（星島日報報道）「教主」盧瀚霆（Anson Lo）前日（22日）推出跳唱歌《MONEY》，MV上架16小時火速破百萬點擊，教主隨即緊貼「神徒」對MV的留言，更大讚神徒留言有趣。
《MONEY》MV於晚上才在YouTube正式上架，短短16小時已火速突破100萬點擊，相當厲害。MV推出後，Anson Lo立即看粉絲的評語，並在社交網限時動態大讚神徒（粉絲暱稱）留言有趣：「你們每次的MV留言分析都好有趣，明天繼續看~」他又貼出MV點擊破百萬的圖片，留言 「Thank you everyone~」，更大派福利，分享了MV中他最愛的藍色西裝造型照，並親手畫了他與神徒在錢袋內的Q版公仔，冧爆一眾神徒。
造型細節花盡心思
新歌其實最想說的是金錢不是萬能，Anson Lo表示：「相信每個人都有自己想要捉緊嘅回憶、好珍貴嘅嘢，例如：親人、寵物、情侶送俾自己嘅禮物……有好多嘢唔係淨係金錢先可以做到。」為了演好銀行家角色，以及配合歌曲主題，今次Anson Lo與團隊在MV細節及造型上都花了不少心思，他介紹道：「其中銀行大佬Look係新嘗試，入行以嚟未試過喺表演上全額露俾大家睇，之前承諾終有一日會咁做，終於揀咗今次嚟試！加上想同上年跳唱歌有啲唔同，所以就加咗雀斑妝同埋髮型都誇張啲。」Anson Lo坦言最鍾意藍色喱士花的一套，他說：「呢套鮮藍色西裝好多Details，逐塊喱士縫上去，用咗好多功夫，而呢隻藍色，係入行咁多年未着過嘅一個顏色。」