高海寧遊曼谷被猩猩攬到實

（星島日報報道）高海寧（高Ling）、彭慧中（Phoebe）、陳星妤（前名：陳聖瑜）及林澄光（Michael）等主持的TVB節目《吃貨橫掃曼谷》，昨晚一集到曼谷Safari World與野生動物零距離接觸，高Ling及Phoebe被園中的猩猩「熱情招待」，被牠們又攬又錫。
高Ling在節目中大讚Phoebe勤力，為拍攝做足功課，「我見到網上有人話覺得公司欠你一個交代，你覺唔覺？」Phoebe聞言亦坦言：「好多人都係咁講，我都覺。」她補充：「爭咗啲嘢。都成12年喇，我真心講句，我覺得自己事業停滯不前。我唔想人哋唔記得我，好容易咋嘛。」高Ling也感觸地強忍淚水謂：「我好明白，我都有年半冇做過嘢，啲人喺街都會話『高 Ling好耐冇睇過你嘅電視劇』。」