發哥踢爆靚靚 只愛跑商場購物

（星島日報報道）由陳薈蓮（發嫂）擔任出品人之一的新片《別叫我「賭神」》，昨日舉行宣傳活動，擔演的周潤發（發哥）、袁詠儀（靚靚）及柯煒林（Will）齊齊出席。首次跟袁詠儀合作的發哥，踢爆靚靚只愛跑商場同網絡世界shopping，更笑言兩人若下次再合作要拍笑片《兩人瘋癲》，跟對方死過。
發哥笑言打動到他接拍該片，皆因很久沒有拍攝這類題材，反而70、80年代演出電視多拍文藝片，拍攝打戲也是演出《英雄本色》要拎槍，自從《阿郎的故事》及《秋天的童話》後再無拍過文藝片，加上今次有靚靚演出，即刻𦧲飯應。他說：「靚靚幾廿年都咁靚，係晶晶（泰文意指靚），佢係袁晶晶。」在旁的靚靚即回應話：「我嘔凸呀！」
唔敢講畀老公知

靚靚續說今次是第一次跟發哥合作，當得知消息時，她正在飛機上整理行李，感覺時間停頓，不知是否發夢中，行李亦沒有理會，雖然老公張智霖在旁邊也沒有告知此消息，因為未知是否事實不敢講出來。

素來熱愛跑步的發哥，談到拍攝期間不時相約劇組跑步，他笑言在澳門拍攝時帶他們吃好東西，又笑指靚靚只跟他跑過一次，靚靚多數跑商場同跑網絡世界shopping。戲中扮演發哥及靚靚兒子的柯煒林，表示能夠跟發哥合作好興奮又期待，由於發哥知道他沒有駕車，會駕車接載他一齊去跑步，之後又帶他吃好東西，感覺好窩心，更載足他一年。
望再合作拍笑片

談到首次跟發哥合作，靚靚坦言好似圓夢一樣，終於追到這位偶像。最搞笑是發哥自言當年靚靚參選港姐時，自己有份擔任評判，但沒有投對方一票，所以不敢見靚靚，直至好彩為該片演出遇到對方，但後來改口又謂靚靚這般靚怎能不投對方一票。提到今次扮演髮型師角色，發哥表示拍攝時有髮型師在場，當拍攝Close up鏡頭就由對方上陣，更自嘲會手騰腳震，不過開拍前有用假髮學過一排剪髮。他說：「剛才幫靚靚剪髮，我都唔敢剪落去，驚剪到隻手。我唔係驚佢啲頭髮，頭髮會生返嘅！手指剪咗生唔到。」問到若然將來再跟靚靚合作，想拍攝那類戲種？發哥說：「我哋諗住拍套喜劇叫《兩人瘋癲》，男、女主角都係我哋，同佢死過！」