擂台戰前哨 互窒擦出火花 霍哥周永恆互毆打到碌地

（星島日報報道）澳門YouTube頻道「微辣」前經理人Jane阿晶（劉靜儀）上月在寓所自殺身亡，遺書中更疑似指控遭微辣員工集體欺凌，其後微辣台柱之一的霍哥（霍俊邦）宣布離開微辣，昨日霍哥首次現身，與鍾培生及周永恆出席「培生擂台無敵杯2023」記者會，霍哥與周永恆互摑後開始打「爛仔交」，最後更打到跌落地，場面一片混亂。
記者會開始前，霍哥一臉輕鬆，與工作人員有講有笑，不過在Face off環節時，周永恆先望住霍哥掩臉狂笑，之後又做出送飛吻及伸脷等動作挑釁，繼而推了霍哥一下，霍哥亦即時摑了對方一巴並爆粗，兩人在互摑後開始打「爛仔交」，最後更打到跌落地，場面一片混亂。
受阿晶離世影響心情
鍾培生指今次搞拳賽主要是想為香港人提供一個合法發泄情緒的平台，霍哥指由於要打75公斤賽事，故他要減30磅參賽，更叫周永恆不要打兩個回合就打完，會不好看，周永恆聽後笑言自己要加5磅，更說：「霍仔小心啲，我OK打交。」霍哥聞言即話：「流血就一定，我睇新聞，但你唔係打男人。」周永恆隨即表示：「我唔係打男人，專打女人，你睇多啲新聞啦，擂台係流血同流汗嘅地方，唔係吹水嘅地方。」鍾培生透露兩人酬金多於香港拳王，問到霍哥會否因阿晶離世事件影響備戰心情？他說：「點都會有少少， 但No bull shxt，let’s go！」至於是否想和加蔥（林茂發）打？他指誰是對手都無任歡迎。對於有指微辣有機會滅團，霍哥就指自己已離開所以不清楚，若真的滅團也感可惜。