何超儀 白川和子 新戲溝通零障礙

何超儀（Josie）為日本導演藤井秀剛執導的驚慄電影《怨泊》擔任女主角，戲中與扮演民宿老婦人的日本演員白川和子有對手戲，首次與Josie合作的白川和子自言好幸福，每日開工都覺得好玩，更大讚Josie是有潛質的演員。雖然與Josie在言語上未能溝通，但白川和子坦言沒障礙，最緊要是心和心連結，在戲中亦能表達出來。
一向有演出驚慄片經驗的Josie，笑言今次相當有突破，皆因未試過有人找她演被欺負的角色，更大讚白川和子飾演民宿老婦人角色，十分切合，她說：「我個角色唔多對白，幾句廣東話，有時講幾句英文，大部分係肢體語言，我同白川和子好似大家喺鏡頭上面跳舞，唔使講㗎！我被佢帶領住個靈魂。」談到戲中兩人都有驚嚇造型，Josie笑說：「我覺得白川和子無表情好恐怖，我嗰種恐怖就係Level 1至Level 5嘅妝容，Level 1即係剛剛撞鬼咁，Level 2再多中埋邪，有啲印堂發黑！我屬於Level 4嘅化妝，𠵱家愛上咗呢個妝，想日日都化個撞邪妝！」