溫碧霞李麗珍難忘同居時嗌大交

溫碧霞（Irene）、李麗珍前晚出席電影《我們的18歲》首映，二人見面即興奮到不停扮咀嘴。減掉20磅的李麗珍表示當年拍電影《我未成年》而認識Irene，Irene則指二人認識時僅17歲，成為好朋友後更曾同住半年，李麗珍爆兩人曾嗌大交，問到是否為爭仔？Irene帶笑否認：「肯定唔係，因為我哋太多男朋友。」兩人更笑言品味不同，不會爭。
相隔廿多年再合作，兩人勾起好多回憶，李麗珍指今次純粹為幫對方：「佢係監製又係出品人，佢叫到我，梗係撐朋友啦！」問之後會否再合作？Irene表示睇緣份，雖然今次戲中碰面不多，但再見面有好多回憶。此外，她們都自認真性情，不喜歡就鬧，但只是鬧交，沒打過交。