陳慧琳自爆着紅色催運 紅足20年

一連兩場《陳慧琳Season 2演唱會澳門站》前晚舉行尾場，演唱會不但獲好友馮德倫（Stephen）力撐連任兩晚特別嘉賓，面對歌迷瘋狂熱情，Kelly當場感動流淚。Kelly更分享出道時有神算子指紅色旺她，結果當年她經常以紅色示人，真的紅足20多年。
Kelly久別歌迷，精心炮製歌單帶來《醉迷情人》、《伶仃》、《花花宇宙》、《一切很美只因有你》等經典歌，最大驚喜當然是馮德倫現身開金口與Kelly合唱《紀念日》，Stephen直言自己好耐沒唱歌，Kelly也笑言：「聽得出！保持返20年前水準，都OK嘅！」Stephen也大讚Kelly保持20年前的樣子，跳舞也沒變過。
紅色催運自言不迷信
演唱會上，Kelly分享了內心世界，提及初出道時，因當時經理人Paco幫她找來神算子，指紅色最旺她，所以出道時不論拍宣傳照或出席活動，都以紅色示人，結果紅足廿多年，她坦言其實自己不太信這些。「如果當年唔係着紅色，今日又輪唔輪到我企喺呢個台？又唔知可唔可以再企耐啲呢？」全場歌迷即瘋狂叫喊「Kelly」，令她忍不住落淚。尾段，Kelly連唱幾首快歌，大批歌迷湧到台前起舞，掀起高潮。
預告明年底香港開騷
完成兩場演唱會後，Kelly笑言終於「放監」可以食餐飽。提到在台上哭，她坦言沒預到自己會哭，但見到好多歌迷忽然感觸。至於邀得馮德倫做嘉賓，Kelly表示絕非易事。「我3個月前已搵佢做嘉賓，不過佢考慮咗一個月至答應，因為佢太耐冇唱過歌，我就用我嘅誠意打動佢，我話你鍾意唱邊首都得，我可以同你一齊唱，佢最後就話好啦！」此外，她的家人也前來捧場，她透露演唱會稍後移師美加、星馬等地，香港站預計明年底。