少爺占講移民潮有感而發

由少爺占、何兆基組成的組合YEAHS前晚假九展舉行一連兩場《When We Were Wild Live 2023》，岑珈其、魏浚笙、劉沛蘅等都有前來捧場，不過一開場即遇上音響問題，要返回後台重新出場一次。少爺占早前開騷時曾拿余迪偉開玩笑，惹出不少風波，他前晚在台上提到友情時感慨良多，指有時講了一些話令人誤會或誤會了別人，致友情無疾而終，但又指能做到朋友已經是賺了。
騷後少爺占否認是想起余迪偉才有感而發，而是因近年的移民潮有感，「當時只是在想走了和無聯絡的朋友，不過無聯絡都無乜嘢，你話有騷叫佢嚟睇又會嚟，但就問有冇免費飛，好彩兩場都爆晒，有藉口話冇飛，唔好意思。」