陳茵媺避睇陳豪親熱戲

陳茵媺、周嘉洛、游嘉欣、江美儀等昨日到屯門宣傳劇集《羅密歐與祝英台》結局周，陳茵媺對劇集進入結局周感不捨，預告會動用獎金請食飯、齊睇大結局，老公陳豪都會返港出席。提到陳豪在劇中經常被女錫，陳茵媺笑指今次監製寫了很多錫戲給老公，「我𠵱家先知佢原來有咁多錫戲！不過好彩佢冇問，因為俾機會我嘅話，我一定say no！但演員專業態度唔可以咁，有親熱戲，我哋係兩公婆見到當然會有唔舒服，我選擇唔睇，咁咪冇問題，但我都要尊重返我哋嘅職業。」
同場的周嘉洛近日為招浩明做兄弟團，搞到聲沙沙，但笑言拒絕為對方頂酒。提到有否睇過游嘉欣分享在社交網的泳衣照？嘉洛自爆有幾個帳號、看不同東西。至於今次將與游嘉欣以螢幕情侶身份亮相台慶節目，女伴不再是陳瀅，嘉洛直言有新鮮感，被問邊個好啲？他笑言：「梗係游嘉欣，因為佢喺度！」此外，江美儀坦言奪視后之後未再拍新劇，早前則接拍了劉偉強執導的電影《水餃皇后》。