歐倩怡 爆半夜失禁暈倒暗指枕邊人唔識照顧

59歲的郭晉安上月初宣布與44歲歐倩怡（Cindy）結束18年婚姻，日前郭晉安接受馮素波的YouTube節目訪問，罕有離婚後談及家事，但只提及大仔郭令山和細女郭以雅，絕口不提前妻。雖然郭晉安早前出席新劇《金式森林》拜神儀式，不過仍未有透露離婚原因，只表示已分居兩年，不過最近歐倩怡接受「Chill Good」YouTube節目訪問，就首次談及回復單身的原因及近況。

婚後的歐倩怡淡出娛樂圈，專心相夫教子之餘，仍不斷進修成為碩士，並考獲不少牌照。如今回復單身的歐倩怡，在節目上透露有玩交友App結識男士，試過與當中6名男性約會，她說：「講個秘密畀大家知，最近開始玩交友App，portfolio寫自己咩咩咩，勁得滯係嚇親人，所以盡量簡單啲！不過原來鍾意運動嘅女人，係多啲人like。」
食藥半年才康復

雖然歐倩怡亦未有談及離婚一事，不過就大爆4年前遇過死過翻生經歷，便說：「當時我患上重感冒，一直發燒、睇咗3次西醫仍未退燒。有晚深夜兩、三點，瞓瞓下覺feel到左手中指突然間好似觸電咁，然後觸電感覺去到身體，我開始抖唔到氣，於是坐起身拍我隔籬嗰個，話佢知我抖唔到氣，難以說話。」歐倩怡續道︰「真係抖唔到氣，每一秒鐘都覺得好漫長，之後佢見我唔對路，就起身google搜尋，睇下係咪應該call白車。後來佢搵到一個方法，就係用片糖沖熱水畀我飲，抖唔到氣仲要飲片糖水。」她當時已出現失禁情況︰「佢驚我嘔喺床，我攞住個痰罐，最後我只飲咗少少（片糖水），我想話你知，嗰刻我已去到失禁，我已經控制唔到，搞到張床周圍都係。去到失禁一刻，我已經知自己唔得，然後好似做戲咁，開始出現人生回帶，我覺得唔得㗎，我啲仔女太細，會諗仲有啲咩未做，跟住我暈咗，成個頭塞咗入痰罐，暈咗！到我第朝醒返，發現自己個頭仍塞咗喺痰罐到！」其後她入院留醫，得知患肺炎、肝炎、腸炎、尿道炎等，食藥長達半年才康復。

雖然歐倩怡罕有上節目，但今次言論就引來大批網民不滿，認為她離婚後不應公開私事，並留言：「出少句聲啦」、「啲仔女仲要返學見人」、「私隱何必要公開」。