為老婆寫新歌 譚輝智自嘲無演戲天分

《中年好聲音2》人氣王譚輝智正式推出首支個人單曲《多麽感激》及MV，昨日舉行新歌發布暨簽唱會，除了太太帶仔女支持外，一班《中2》歌手及大批粉絲都到場支持。譚輝智透露太太聽完新歌感動到喊，睇過MV又指女主角跟自己有點出入：「太太話自己唔會着性感睡衣，係着Hello Kitty傳統睡衣。」譚輝智指拍攝前好驚眼神交流，之前一晚練chok，但望親自己都笑。

談到首度拍MV演親密戲，他笑言不尷尬，只是擁抱及對望，但有向太太備案，又自爆拍MV時加入梁朝偉的眼神，亦有參考對方的電影：「睇睇下都係睇返周星馳，我就無演戲天分，唔可以演認真戲，喜劇就得！」對於10月到沖繩遊輪表演，譚輝智透露太太會同行，完成工作會跟家人留日繼續旅行，並謂廿多年未試過一家人旅行。