張曦雯最愛暴力遊戲

張曦雯（Kelly）昨日出席一個打機對決見面會，一向愛打機的Kelly，笑言打機可以令自己放鬆，又自認愛玩暴力遊戲，越暴力越好：「我可以打贏男朋友，不過唔知係咪佢打得特別差。（能否打贏公司啲同事？）咁就唔知，不過知譚俊彥都鍾意打機，但未試過一齊玩，自己同芝加哥同鄉伍允龍都打過，佢都好叻！」

Kelly透露曾試過打機打通頂，更打完即上飛機，不過開工的時間就一定不會通宵，又自爆打機時都會改一個很女性的名字，因為男機友通常會比較禮讓及願意幫忙。被問和男仔打機，男友會否呷醋？她笑說：「唔會，我不會同人開咪，純打機，不過網上啲人都好難分男或女，自己都唔會主動撩人、亦冇被人撩。」