甄濟如睇星爺戲學廣東話

甄濟如（Jasmine）與張馳豪（Aska）昨日為新城電台節目《Z世代咪高峰會》任嘉賓，分享入行做新人的感受。甄濟如坦言做新人有難度，但學到很多，亦了解自己更多，而且認識到不少朋友，當中包括炎明熹（Gigi）、張天穎（Jaime）及鄧凱文（Moon Tang）等，希望將來能夠跟不同的音樂人合作。

最近推出首支廣東歌曲《次次》的甄濟如表示，日前為慈善活動第一次現場獻唱，因之前已練習多次，所以不會感到緊張。她又指當晚剛好撞正韓團BLACKPINK成員Lisa舉行見面會，雖然很想跟朋友去睇騷，但自己有工作在身未能參與，不過不會因此而失望，因明白工作要緊，她說：「我會以Lisa為目標，佢唱得又跳得，不過我依家學好廣東話先。」
年紀輕不急於拍拖
談到廣東話麻麻，可會睇爸爸甄子丹的電影學廣東話？她笑言有睇周星馳電影，雖然完全明白，但自己講廣東話不夠好。有建議不如識個男友練習廣東話，她笑言自己好忙沒有時間，笑問是否爸爸甄子丹好打得，所以男仔不敢埋她身？她笑說：「Maybe！我依家20歲，唔心急拍拖。」談到沒有戀愛經歷如何寫情歌？她表示會以朋友的經歷作參考和睇電影取經。提到年底樂壇頒獎禮，問可有信心得獎？她表示希望可以參加，又認為很好機會，見識不同的音樂人。
張馳豪望為Jasmine寫歌
同場出席的張馳豪表示跟甄濟如於音樂節目中認識，亦很欣喜賞對方的音樂才華，希望將來可以寫歌給甄濟如。談到工作，他透露年底除推出英文版《宇宙逃生口》外，稍後會有個音樂微電影計劃，並會翻唱舊歌，詳情有待公布。至於年底樂壇頒獎禮，可有信心得獎？他坦言開心能夠參與，每年參與頒獎禮最開心見到朋友，感覺氛圍很開心又可見到偶像。