主角要求認真拍床戲 翁子光揭劉青雲癖好

   導演翁子光接受商台節目《星光背後》訪問，分享首次與劉青雲於電影《爸爸》合作及揭露影帝看劇本的癖好。電影《爸爸》籌備十年，原來等足劉青雲兩年才開拍，翁子光笑指劉青雲在劇集《孖仔孖心肝》可以好市井，反而電影上未見過對方演市井角色，所以想將市井感覺的劉青雲呈現俾觀眾睇。對於劇本能吸引青雲，翁子光表示自己循正常途徑搵劉青雲的經理人，對方的經理人May給予少少貼士他。他說：「佢叫我將劇本打印出嚟整到靚靚地，俾佢好似睇小說咁。」談到戲中有場露股床上戲，翁子光指劉青雲及女主角谷祖琳沒有任何猶豫，指兩人差不多同一時間跟他講這個場口，都是講同一番說話：「我哋唔可以輕輕鬆鬆借位求其拍。」