陳展鵬自揭遭囡囡冷落

陳展鵬與老婆單文柔前日夫妻檔出席醫美集團晚宴及代言人續約儀式，大會補祝展鵬48歲生日。問到兩人平常誰較貪靚？展鵬笑指自己因工作關係經常照鏡，文柔大讚他：「我同阿囡都覺得你好靚仔！」但她講完就笑言這個生日月才會這樣說。展鵬坦言對護膚沒研究太多，文柔笑指自己會做「白老鼠」，試過好用才推介給老公。
48歲生日當天，展鵬在廣州開騷與粉絲開心度過生日，文柔當天瞞着，帶同囡囡到廣州送驚喜，令他驚喜又難忘：「開騷前兩日，小豬比對我好冷漠唔睬我，原來佢哋夾定，佢真係好守得秘密。」文柔笑言擔心被識破，幸好囡囡有演戲天份。至於今年是否想湊成「好」字？文柔坦言等了好耐，展鵬則順其自然，交給上天安排。