翠如自爆已擇日開刀生B

蕭正楠與黃翠如昨日夫妻檔到大埔出席新年活動，懷孕超過5個月的翠如着上3吋高粗踭鞋現身。談到網民替二人失落最佳男、女配角獎感不值，蕭正楠表示沒負面情緒也沒失望。翠如透露最近夫婦經常討論BB名字，笑指老公偏向食物「蕭叉燒」、「蕭雞翼」和「蕭賣」，她則想到「蕭吉祥」、「蕭喜慶」及「蕭健康」。
問到預產期，翠如表示遲點才公布，她指BB像她兩公婆兒時一樣頭大，醫生建議開刀，已揀好日子，但仍要看BB尺碼再決定時間，又指現在BB晚上如開派對在肚內轉，她睇到好開心，爆老公會放自己的歌給BB聽。阿蕭解釋是自己寫給爸爸的歌，很有意義所以想給BB聽。
翠如坦言有叫好姊妹連詩雅快些生多個，BB可以一起讀書，自己則不貪心，有這個「禮物」已感恩和滿足，自認佗B上癮，好開心見到BB在肚內郁動。
感謝同事關愛
談到在《萬千星輝頒獎典禮2024》「最佳男、女配角」大熱倒灶，香港及內地網民瘋狂洗版轟賽果不公平，阿蕭說：「我係合約藝人，唔會唔開心，冇負面情緒亦都唔失望，去到後台好多同事都話投咗我票，得到好多關愛，有同事攬住我喊，好多謝大家，有你哋嘅愛已經好好。」翠如覺得同事的愛錫好重要。阿蕭稱日後會繼續努力，當晚只是最驚沒時間吃東西會餓親BB。