笨泥爸爸 - 生仔有錢派｜父中作樂

2023-11-05 16:32

最近育兒界熱門話題應該數「生仔有錢派」，合資格者一個BB贈2萬元，立刻惹來議論紛紛。

「生仔有獎金」香港好像從未試過，可見情況有多嚴峻。如果沒記錯，上一個生育率大跌需要政府出招的時期，應是2003年「沙士」之後，我兒子正是2004年出生，當時也沒有派錢那麼誇張。

近幾十年，香港出生率不斷下降，據統計處提供的生育率，1991年每千名女性有1281名嬰兒出生，至2003年跌至901名，2012年回升至1285名，然後逐漸下降至2021年的772名。去年本港只有3.25萬名嬰兒出生，生育率是創有紀錄以來最低的701名。根據聯合國人口基金報告，近年香港的生育率都是全球最低。

派錢有用嗎？我問教養群組里的爸爸媽媽，以下引用一些精闢回應：

「2萬蚊請陪月都唔夠！錢唔係主要影響生育嘅因素，係環境、配套影響家庭生唔生，量化貶低咗生育嘅意義。」

「人哋出豉油，我哋出個仔……條數唔係咁計。生仔向來唔係一盤數，生唔生，諗得掂先好生。」

「為咗2萬蚊，我諗咗幾日幾夜應唔應該生多個……我另一半話：『我畀3萬蚊你，以後唔好再諗呢個白癡問題！』」

「唔好儍喇，對絕大部分香港人來說，20萬才有些少積極作用。」

「決定生小朋友係喜歡小朋友，有人送2萬元禮我會多謝佢，但係決定要生小朋友，完全唔會因為想賺2萬。」

「細路仔實要睇醫生，好似老人家咁畀醫療券仲實際。用唔着係好事，要用就可以減輕經濟負擔，而且感覺較貼心。」

現時生育環境確不理想，不過危中有機，新生嬰兒減少，日後各項競爭又會減少，這是我的經驗之談。不過人生大事，兩公婆自行定奪，有錢派只是bonus。

笨泥爸爸
作者為資深兒童傳媒人，《親子王》前主編，分享如何做個快樂孩子的快樂父親。

文章刊於《星島日報》2023年11月3日教育版專欄「親子同路」。