樂●活｜放電打卡玩到跨年

聖誕節公眾假期劃上句號，大家應該期待緊嚟緊嘅除夕吧！Laurie身邊唔少爸媽都多請了幾日假，趁住非「紅日」假期帶小朋友周圍玩，共渡親子時光！

帶小朋友去玩，最好就係帶佢哋「放電」！黃埔天地就引入咗深受大人小朋友歡迎嘅Crazy Mini Golf，等大家盡情推桿大展高超球技！Whampoa X’mas Crazy Mini Golf設有6大特色球道，可先喺聖誕帽開球區練習推桿熱身，準備就緒便可挑戰甜「襪」I Love U、與雪人對決、氹氹轉聖誕大橋、勇闖裝飾陣及禮物旋風圈5個關卡，喺限定時間內成功挑戰通關，即可獲贈聖誕小禮物。場內仲有繽紛聖誕拱門、薑餅人歡樂魔鏡及人佳節Wishes霓虹牆3大打卡位。

另外，領展T Town就設置了天水圍POWER UP！綜藝遊戲舞台，實行將日常生活融入遊戲裝置，讓大家變身綜藝節目主角，挑戰多個一分鐘遊戲，提升快樂激素「多巴胺」兼發揮潛能，將快樂能量無限放大！場內設置3個限時1分鐘嘅遊戲，包括在巨型滾輪上用盡全力向前跑，鍛煉速度及體能嘅HURRY UP！趕車1分鐘；要以最快速度按下幻彩交通燈掣，消除紅燈過馬路嘅SPEED UP！挑戰紅綠燈1分鐘，以及緊握交通工具扶手穿越到終點，考驗臂力嘅LEVEL UP！緊握扶手1分鐘，自命身手不凡一定要接受挑戰！另外，由即日起至1月3日期間，POWER UP！綜藝挑戰車更會於天耀廣場、天盛商場及天澤商場等天水圍不同地方快閃出現，與大家大玩街頭綜藝遊戲，將快樂傳播到天水圍每個角落。

如果係《鬼滅之刃》迷的話，記得要去埋設於The ONE嘅鬼滅之刃劇場版無限列車編期間限定店，店內唔單止有過百款《鬼滅之刃》精品，更有超過40款獨家發售及會場限定商品。當然仲有潮聖打卡元素，The ONE地下露天廣場會變身成無限列車，大家可登上列車、置身動畫場景中，更可前往L3親睹炎柱和猗窩座上演生死對決一刻嘅經典一幕，仲有竈門炭治郎、竈門禰豆子、我妻善逸及嘴平伊之助喺UG2中庭一番街，擺出至型出招姿勢，濃厚祭典氣勢等住大家由聖誕影到跨年！

作者：Laurie Wu（愛保健愛旅遊愛購物的熟女）

[email protected]