樂●活｜好好計劃2022

 仲有2日，就踏入2022年，雖然手機、電腦都有月曆，但相信唔少人同Laurie一樣，都鍾意喺工作枱上放置一個座枱月曆，方便Mark低放假或特別日子！

有冇諗過擁有獨一無二、個人化嘅座檯年曆為新的365天做好準備？好似BELLA'S DESIGN GALLERY就有多款唔同設計嘅個人化座檯年曆。年曆以粉紙製作，並用上FUJIFILM數碼印刷而成，兼顧色彩與質感，最吸引嘅係座檯年曆可按喜好加入相片、自選背景設計及排版，打造專屬嘅年曆風格，最緊要係可自定月曆的起始年份及月份，甚至加頁製作，仲可以喺重要日子標註文字，甚至相片，可以清晰展示親友生日、周年紀念等重要日期，咁就唔需要擔心忘記重要日子啦！

除咗Custom Made嘅月曆，坊間亦有不少購物換購期選擇。好似譚仔今年就聯乘Nothing Serious推出2022年座檯月曆，即日起凡惠顧任何食品或飲品，加$10就可以換到，唔單止每個月份都有由 Nothing Serious創作嘅插畫同字句，仲有總值超過$220嘅餐飲優惠券，變相等於月月食譚仔都有優惠。而且座檯月曆嘅所有收益將全數撥捐協康會，為有特殊需要嘅兒童、青年及其家庭提供支援服務，仲可以做埋善事添！

鍾情韓國風插畫的話，就可留意apm邀請韓國人氣插畫師Nahum Kim合作推出2022限量版座枱年曆連可愛動物便利貼。年曆內12幅色彩鮮明、對比強烈的畫作運用貼近生活的現實背景，加入趣怪得意的動物及表情符號等元素，呈現日常生活中無窮無盡的趣事，加上可愛動物便利貼，記事備忘尤其方便。The Point by SHKP會員即日至年1月3日以指定電子消費券領取平台消費滿$300或以上或憑800積分即有機會換領到。

 

作者：Laurie Wu（愛保健愛旅遊愛購物的熟女）

[email protected]