樂●活｜生活中實踐綠色生活

嚟到2021年嘅最後一日，點少得好好計劃、期盼點樣可以喺聽日開始幾2022年活得更開心自在！

綠色生活可以話係未來不可或缺嘅一部分，要喺生活中實踐環保理念亦愈見容易，簡單如行商場都已經可以將可持續概念全方位融合購物、生活、餐飲、美容。好似屯門市廣場就設立首個位於商場內嘅智能室內種植園GREENHOUSE@tmtplaza ，將水耕栽培同科技聯繫，以智能室內種植機加上智慧科技種植新鮮蔬菜、香草和食用花卉，實踐喺市區種植可食用農作物。設於屯門市廣場3樓嘅GREENHOUSE內有一排排以直立式有機水耕方法種植的香草及農作物，包括羽衣甘藍、薄荷葉、百里香、火箭菜、羅勒等，喺商場嘅時候都可以見到農作物由培苗、發芽、生長，開花至觀賞嘅每個階段，大家除咗可以參觀之外，更可參加導賞團，大家可以更深入有機水耕方法，更可參加與可持續發展相關的活動及工作坊。

另一吸引之處，就是Farm to Table 嘅安排，於種植園內新鮮摘下嘅香草及蔬菜更會即時送到商場內指定餐廳嘅廚房烹調成不同嘅美食，大家有機會品嚐即摘即食的新鮮香草、蔬菜，體驗其更濃郁及有層次的香氣及味道，更可減低碳足跡。假如想親自下廚，亦可憑S+ REWARDS 點數換領已包裝好的香草及蔬菜帶回家自行烹調。

 

平時唔多唔少都會飲紙包飲品，為咗方便回收，MegaBox 由即日起至3月13日舉辦Green Living Habits綠色生活好習慣活動，於場內設置紙包飲品盒智能回收機，鼓勵兼培養市民將紙包飲品盒回收嘅習慣，只要將清洗乾淨的紙包飲品盒放入智能回收機，每個回收可獲$0.1八達通回贈，鼓勵大家實踐綠色低碳生活的習慣。場內更設一系列高質及具可持續發展意義的紙品世界展區供市民休憩，所有紙品亦是100%可被回收及具有FSC認證，既有趣又環保，大家可盡情打卡。

作者：Laurie Wu（愛保健愛旅遊愛購物的熟女）
[email protected]