樂●活｜賀年下午茶 意頭十足

今日係年初三赤口，傳統習俗指今天容易與人發生口角爭執，為防招惹口舌是非，都會不出外向親友拜年。

Laurie就打算以就Book咗意頭十足嘅香港美利酒店 Garden Lounge嘅應節賀年下午茶同家人一齊迎接虎年。Book之前已經問咗酒店嘅PR，佢話今次嘅甜點唔單止色彩繽紛，仲充滿賀年特色同祝福，好似金黃色嘅柑桔栗子蛋糕和飾以「福」字嘅朱古力松露蛋糕，前者寓意如意吉祥及步步高陞，飾以金箔更顯高貴；後者則寓意福氣滿載，而且有着讓人回味無窮、濃郁嘅朱古力味道。以精巧銅錢造型嘅芝麻曲奇香口鬆脆，象徵新一年平安幸福，至於採用時令水果製成嘅紅桑子及柚子泡芙和檸檬蛋白霜撻就酸甜有致，帶清新果香。 

滋味鹹點也融入了中式元素或材料，有多款經典中式點心美饌，包括矜貴嘅迷你鮑魚撻，當中更混入紅菜頭令撻殼色澤更亮眼，更有以及蘊藏滿滿餡料、金黃酥脆嘅叉燒酥。至於中西合壁嘅鹹點就沿用經典法式食諎，但特別以中式鮑魚汁炆冬菇作內餡嘅蘑菇鹹批，以及以番茄麵包卷入烤鴨肉，再綴以翠綠青蔥嘅中式烤鴨卷，仲有清新輕怡嘅蛋沙律三文治。完美的下午茶不能缺少的，當然係鬆軟濕潤、可配搭士多啤梨果醬或奶油忌廉一起品嘗嘅原味鬆餅及提子鬆餅。Garden Lounge應節賀年下午茶供應期至 2 月9日，每日分兩個時段（時段一：下午2時45分至4時15分；時段二：下午4時30分至6時）。

 

香港喜來登酒視佳廊亦於即日至由2月13日有五福迎春下午茶供應的新春限定版，Chef Sam以中國節慶元素: 金、福、富、財、旺，匠心設計出五福甜點 。中西合璧的精緻鹹點，包括蜜汁叉燒滑蛋三文治、嘉應子鴨肝醬多士、芝士蘑菇蟹肉撻及蝦多士等；新春五福甜點就有伯爵柑桔盒子（金）、開心果海綿蛋糕伴士多啤梨冰糖奶糖慕絲（福）、烏龍奶凍（旺）、花形焦糖白咖啡忌廉酥餅（富）及紅桑子法式小圓餅（財）。

順便為大家介紹兩家連鎖店嘅最近新推嘅飲品！Pacific Coffee推出以擁有天然獨特的清新莓果香，色澤呈鮮粉紅的紅寶石朱古力為主題嘅飲品：紅寶石黑糖鮮奶紅茶及紅寶石英式奶茶，經調配後，兩杯茶飲都呈淡粉紅色。前者以莓果香四溢的紅寶石朱古力糅合濃郁甜蜜黑糖及幼滑鮮奶，口味恰好將紅茶的醇厚及風味呈現，再配以輕盈軟滑忌廉及灑上紅寶石朱古力，後者則以醇厚柔滑嘅英式奶茶與紅寶石朱古力的獨特清甜果味完美融合，酸甜滋味相互平衡，濃郁茶香更在口中散發餘韻，每杯熱飲的表面更會灑上心形紅寶石朱古力粉，將幸福療癒感覺源源送上。想試的話記得要要喺2月15日前去試試喇！ 

至於星巴克就有甜梨醇香鮮奶抹茶，用咗​以養潤食材甜梨配上日本無添加糖醇香抺茶粉，帶來一杯擁有獨特果香嘅抹茶飲品。梨香烏龍茶​以Teavana禪雲烏龍茶葉泡製，濃而不澀的烏龍茶配合甘甜香梨，調配和諧滋潤的全新口味，最啱乾燥嘅寒冬下細味品嘗。臨近情人節，仲有甜入心三重朱古力鮮奶咖啡以白朱古力鮮奶咖啡、濃郁的朱古力忌廉、及幼滑的朱古力醬塑造豐富層次，每一口都注滿甜蜜氣息。

作者：Laurie Wu（愛保健愛旅遊愛購物的熟女）

 

[email protected]