樂●活｜尋覓舌尖新味

晚巿堂食嘅限制進一步放寬，當然唔少得發掘下有咩新嘢、好嘢食！

噚日譚仔雲南米線與譚仔三哥米線破天荒聯合聲明，指「一直以來，我們各自發展，致力為大家帶來最滿意的出品及服務。隆重宣布，兩個品牌即將攜手把休閒餐飲提升至更高層次。」究竟譚仔雲南米線同譚仔三哥米線有咩搞作，要5月23日上午11時30分先公布，不過可以先試試香港一風堂與麥奀雲吞麵世家合作，以傳統手藝加上創新精神炮製限定拉麵系列。今次嘅聯承係以一風堂魚介清雞湯及豚骨湯為基礎、配搭麥奀自家出品的秘製鮮蝦雲吞，既為日本和香港具有代表性的經典美食注入創意，同時亦將兩種傳統麵食的精粹發揮得淋漓盡致。

一風堂分店限定嘅全新雲呑海鮮鹽拉麵，將兩個品牌嘅王牌元素合而為一，將美味昇華。以魚介清雞湯為湯底，融匯傳統雲吞麵不可或嘅大地魚，令湯底散發最原始天然鮮香，連同鰹魚片、沙丁魚干、昆布熬成，湯色清澈而味濃。麥奀雲吞就作為主打食材，再放上日本炙燒帶子、沙白蜆、慢煮豬柳叉燒及鹽味半熟蛋作配料，配搭博多傳統風味的極細麵，一碗結合兩地特色嘅拉麵。

至於香港一風堂旗下拉麵品牌METRO豚骨BASE亦將限時推出鹽豚骨雲呑拉麵，用上一風堂招牌醇厚豚骨湯底，味道溫潤香濃，配以帶有嚼勁、掛湯嘅中太麵，結合豐盛嘅拉麵配料，包括麥奀自家製雲吞、卷腩叉燒、鹽味半熟蛋、菠菜、鳴門卷及蔥絲，帶來層次豐富嘅味覺享受。

除咗要試試兩款期間限定嘅拉麵之外，仲要留意當造嘅食材—蟹！黃油蟹、奄仔蟹、膏蟹、肉蟹、大閘蟹絕對係每年不可不食。銅鑼灣大澳德發餐廳最近以夏日當造食材嘅奄仔蟹作放題主食，以$398推出任食鹽焗奄仔蟹放題，更提供豉椒炒花甲、葺蔥霸皇雞及豉椒風沙茄子等18款地道小炒。餐廳仲同時推出「蟹‧蠔盛宴」，只要加99即可升級，同時嘆盡奄仔蟹蟹膏嘅咸香，以及盬焗蠔嘅肥美鮮甜。餐廳另精選4款當季海鮮鮑魚、花甲、扇貝及紐西蘭聖子可以追加，各款以優惠價推出。此外，更推出預早訂座優惠，只要於享用前一天預訂可額外獲贈本地流浮山鹽焗蠔及8頭鮑魚各1隻。

除咗食肆，ifc商場亦於周末推出Time to Feast限時餐飲獎賞，讓會員可品嚐由星級名廚主理嘅美饌，兼盡享高達100%回贈購物樂趣。由即日起至5月29日期間，逢星期五至日，CLUB ic會員於ifc商場內指定餐廳以電子貨幣消費滿$400，即可獲贈$400元ifc商場指定消費電子購物禮券，適用於170間人氣商店，享高達100%回贈，盡得美食與購物雙重喜悅。

另外，荃灣廣場亦有多間新餐飲商戶進駐，當中包括日本過江龍Sushiro壽司郎、吉列牛排專門店牛カツ京都勝牛、日式燒肉放題和牛燒肉一郎，另有打卡火鍋店香江花月、著名上海菜上海姥姥及由得獎咖啡師主理嘅NOC咖啡店等。荃灣廣場由5月25至31日一連7日舉行半年一度「筍得祭」購物節，當中包括衣、食、住嘅逾60間人氣商戶、超過140個至筍優惠。荃灣廣場更會送出高達$2,150贈券回贈，成為The Point 會員更可同時賺取Point Dollar當現金使用，而晚上6時後消費即可獲賞上賞，獲額外$100回贈。

作者：Laurie Wu（愛保健愛旅遊愛購物的熟女）

[email protected]